აშშ-ს სამოქალაქო ავიაციის (Federal Aviation Administration, FAA) სამსახურმა გამოაქვეყნა წინასწარი წესები, რომელიც სამომავლოდ უპილოტო საფრენი აპარატების კომერციულ ფრენებს დაარეგულირებს. როგორც უწყების რელიზშია განმარტებული, უპილოტო აპარატების ფრენის ლიცენზიას ყველა დაინტერესებული პირიო მიიღებს, ვინც სათანადო პირობებს დააკმაყოფილებს. ლიცენზიის კი 17 წლის ვადით ხდება. იმისათვის რომ ლიცენზიის მფლობელნი გახდეთ, უნდა ჩააბაროთ თეორიული ტესტი ფრენის წესების შესახებ. ხოლო ლიცენზიის მიღებიდან, უპილოტო აპარატის მფლობელთ, ყოველ ორ წელში ცოდნის გადამოწმება და შესაბამისი გამოცდის ჩაბარება ისევ მოუწევს. უპილოტოების ფრენა მხოლოდ დღისითაა ნებადართული და ისიც 500 ფუტის ანუ 150 მეტრის სიმაღლეზე. იმავდროულად მათი გამოყენება აეროპორტისა და ხალხმრავალი ადგილების ახლოს, იკრძალება.
მას შემდეგ რაც უპილოტო აპარატების ფრენის წესები დამტკიცდება, მისი ამოქმედება 2016 წლიდანაა დაგეგმილი.
როგორც უცხოური მედია წერს, წესების პროექტში გარკვეული სადაო წესებიცაა. უფრო კონკრეტულად კი ფრენები განხორციელდება მხოლოდ სწორ მანძილზე, რამაც მსხვილი მიმწოდებლების უკმაყოფილება გამოიწვია, რადგანაც მათ ბიზნესი უკვე გათვლილი აქვთ იმაზე, რომ უპილოტო საფრენ აპარატებს სხვადასხვა ტვირთის გადასაზიდად გადაიტანენ.
ინტერნეტ-ტრეიდერის Amazon.com-ის წარმომადგენელმა ღიად განაცხადა, რომ აღნიშნული ჯვარს უსვამს კომპანიის მიერ უპილოტო აპარატის საშუალებით ტვირთის გადაზიდვებს. როგორც ცნობილი, უპილოტო აპარატებით ტვირთის გადაზიდვა Amazon.com-ის საშუალებით სატესტო რეჟიმში და მხოლოდ აშშ-ში ხორციელდება.
