საქართველოს მთავარი გამოწვევა ქვეყანაში საკრედიტო აქტივობის აღდგენაა. ამის შესახებ საქართველოს ეროვნული ბანკის პრეზიდენტმა გიორგი ქადაგიძემ განაცხადა.
მისი თქმით, ამასთან, მთავარი ამოცანაა ასევე კრედიტების ხელმისაწვდომობა.
~დაკრედიტების ტემპის შენელება მხოლოდ ქართული ფენომენი არ არის, ესაა პოსტკრიზისული ფენომენი მთელს რეგიონში. რომელი ქვეყანა როგორ აპირებს აღნიშნული პრობლემის გადაჭრას, ამ საკითხებს დღეს მიმდინარე საერთაშორისო კონფერენციაზე განვიხილავთ. ეს საქართველოსთვისაც ძალიან აქტუალური თემაა~, - განაცხადა ქადაგიძემ.
ეროვნული ბანკის პრეზიდენტის შეფასებით, საქართველოს ეკონომიკა გაჯანსაღების გზაზეა.
~ამის დასტურია წელიწადნახევრიანი რეცესიის შემდეგ 2009 წლის მე-4 კვარტალაში დაფიქსირებული მცირეოდენი ზრდა, ასევე დასტურია სარეიტინგო სააგენტოების მიერ საქართველოსთვის რეიტინგის აწევა~, - აღნიშნა ქადაგიძემ.
