,,თავისუფალი დემოკრატების" ერთ-ერთი ლიდერი ალექსი პეტრიაშვილი პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძის განცხადებას ეხმიანება და მას საგანგაშოს უწოდებს.
,,ეს განცხადება არის კიდევ ერთი ღია დადასტურება იმ ფაქტის, რომ ჩვენი ქვეყნის ევროატლანტიკურ კურს ექმნება აშკარა და რეალური საფრთხე, რაზეც ,,თავისუფალი დემოკრატები" დიდი ხანია მივუთითებთ. Nნატოს უელსის სამიტზე მიღებული არსებითი პაკეტი ზუსტად არის ის გეგმა რომელიც ითვალისწინებს ნატოს ინფრასტრუქტურის საქართველოში განთავსებას და საბოლოო მიზნის ქვეყნის ნატოში გაწევრიანების ხელშეწყობას", _აცხადებს პეტრიაშვილი.
,თავისუფალი დემოკრატები" მიმართავენ საქართველოს პრეზიდენტს როგორც სახელმწიფოს მეთაურს, გააკეთოს საჯარო განაცხადება და ღიად დააფიქსიროს საკუთარი პოზიცია ამ უაღრესად საგანგაშო განცხადებასთან დაკავშირებით.
Pპარტია ასევე მიმართავს სახელმწიფო მინისტრს ევროპულ და ევროატლანტიკურ სტრუქტურებში ინტეგრაციის საკითხებში და საგარეო საქმეთა სამინისტროს გაემიჯნონ ზურაბ აბაშიძის განცხადებას და დაფიქსირონ საკუთარი ერთგულება საქართველოს ნატოში გაწევრიანებისადმი. Aამასთან ,,თავისუფალი დემოკრატები" მოუწოდებენ არასამთავრობოებს არ მისცენ მთავრობას შესაძლებლობა გადაუხვიოს ევროატლანტიკური კურსს.
პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძის განცხადებით, ნატო-საქართველოს თანამშრომლობა არ არის მიმართული იმ მიზნისკენ, რომ საქართველოში ნატო-ს სამხედრო ინფრასტრუქტურა განთავსდეს.
,,მოგეხსენებათ, საქართველო დამოუკიდებელი ქვეყანაა, ამიტომ აქვს სრული უფლება, ითანამშრომლოს ნებისმიერ საერთაშორისო ორგანიზაციასთან, მათ შორის ნატო-სთან, რომელიც გახლავთ მეტად ავტორიტეტული საერთაშორისო ორგანიზაცია. ეს თანამშრომლობა არანაირად არ არის მიმართული იმ მიზნისკენ, რომ საქართველოში განთავსდეს ნატო-ს სამხედრო ინფრასტრუქტურა. ასეთი გეგმა ბუნებაში არ არსებობს. საქართველო საერთოდ არ გადადგამს ისეთ ნაბიჯს, რომელიც ზიანს მიაყენებს რეგიონულ უსაფრთხოებას. რეგიონულ უსაფრთხოებას, საქართველოს უსაფრთხოებას, საქართველოს ტერიტორიული მთლიანობის პრინციპს უპირველესად საფრთხეს უქმნის აფხაზეთისა და ცხინვალის რეგიონის ოკუპაცია, რუსეთის სამხედრო ჯარების, სამხედრო ინფრასტრუქტურის განლაგება", - განაცხადა ზურაბ აბაშიძემ.