პარლამენტის ადამიანის უფლებათა დაცვის კომიტეტის თავმჯდომარე სასჯელთაღსრულების მინისტრთან გეგმავს შეხვედრას. ამის შესახებ განცხადება ადამიანის უფლებათა დაცვის კომიტეტის თავმჯდომარემ გია არსენიშვილმა დღეს პარლამენტში ჟურნალისტებთან საუბრისას გააკეთა.
არსენიშვილმა ეს განცხადება მას შემდეგ გააკეთა, რაც სახალხო დამცველის ანგარიშთან დაკავშირებით სხვადასხვა უწყების წარმომადგენლებთან გამართა შეხვედრა.
შეხვედრა დღეს პარალმენტში დახურულ კარს მიღმა უკვე გაიმართა და როგორც არსენიშვილმა აღნიშნა შეხვედრაზე ისაუბრეს სახალხო დამცველის 2009 წლის მეორე ნახევრის ანგარიშში მოტანილ ფაქტებზე.
იმის გამო რომ სახალხო დამცველის ანგარიშის ყველაზე დიდი ნაწილი ეთმობა სასჯელთაღსრულების სისტემას, გია არსენიშვილი გეგმავს რომ ცალკე გამართოს შეხვედრა სასჯელთაღსრულების მინისტრთან როგორც არსენიშვილი აღნიშნავს ამ ანგარიშში დიდი ადგილი უკავია სასჯელთაღსრულების უწყებაში და ჯანდაცვის პრობლემებს და სისტემის გადატვირთულობას და მიაჩნია რომ ეს არის ის საკითხები, რომლის აღმოფხვრის გზები აღმასრულებელმა და საკანონმდებლო ორგანოებმა ერთობლივად უნდა მოძებნონ და სწორედ ამიტომ იგი ამ საკითხებთან დაკავშირებით ხათუნა კალმახელიძესთან გამართავს შეხვედრას.
