ბელარუსის პრეზიდენტი, ალექსანდრე ლუკაშენკო, ადასტურებს, რომ ის უახლოეს მომავალში ოფიციალური ვიზიტით საქართველოში ჩამოვა.ამის შესახებ, ლუკაშენკომ განცხადება მინსკში, უკრაინის კრიზისზე მიმდინარე მოლაპარაკებების დასრულების შემდეგ გააკეთა.
მისი თქმით, რამდენჯერმე გადაიდო ეს ვიზიტი, თუმცა, საბოლოოდ მიღებული იქნა ორმხრივი გადაწყვეტილება, რომ შეხვედრა წელს აუცილებლად უნდა შედგეს.
„ვაპირებ საქართველოში ჩამოსვლას ოფიციალური ვიზიტით. ქართულ მხარესთან შევთანხმდით, რომ წელს აუცილებლად უნდა შევხვდეთ და სერიოზულად განვიხილოთ ორმხრივი ურთიერთობების საკითხები ჩვენთვის ძალიან ახლობელ ხალხთან. ასე რომ, მივესალმები ქართველებს," - განაცხადა ლუკაშენკომ.
მასალის გამოყენების პირობები
