შსს ინფორმაციით, საქართველო-აზერბაიჯანის საზღვარზე მოკლული 16 წლის ახმედ გურგაშვილის მკვლელობაში ეჭვმიტანილს ვინაობა კვლავ უცნობია.
ამის შესახებ "ჯი-ეიჩ-ენს" შს სამინისტროს საინფორმაციო ანალიტიკური დეპარტამენტის ხელმძღვანელმა შოთა უტიაშვილმა განუცხადა.
"ამ დროისთვის შემთხვევის ადგილზე საგამოძიებო მოქმედებები მიმდინარეობს. საქმესთან დაკავშირებით ჯერჯერობით ახალი დეტალები ცნობილი არ არის",- აღნიშნა უტიაშვილმა.
შეგახსენებთ, რომ გუშინ საქართველო - აზერბაიჯანის საზღვარზე სიღნაღის მუნიციპალიტეტის სოფელ ერისიმედის მკვიდრი, ამავე სოფლის სკოლის მე-12 კლასის მოსწავლე, 16 წლის ახმედ გაურგაშვილი აზერბაიჯანელმა მესაზღვრემ მოკლა.
ახალგაზრდა, რომელიც საქონელს აბრუნებდა აზერბაიჯანელმა მესაზღვრემ გაუფრთხილებლად ესროლა და თავის არეში სასიკვდილო ჭრილობა მიაყენა.
მომხდართან დაკავშირებით აღძრულია სისხლის სამართლის საქმე. გამოძიებას შს კახეთის სამხარეო მთავარი სამმართველო აწარმოებს.
