Apple -ის ხელმძღვანელმა ტიმ კუკმა 2014 ფინანსური წლის განმავლობაში, 9,2 მლნ. დოლარის შემოსავალი მიიღო. საიდანაც 1,7 მლნ კუკის ხელფასია, ხოლო დანარჩენი ბონუსებით მიღებული შემოსავალი. უნდა აღინიშნოს, რომ 2014 წელს კუკის შემოსავალი გაორმაგებულია, რადგანაც 2013 წელს მან 4.3 მლნ დოლარის შემოსავალი, ხოლო 2012 წელს კი - 4,2 მლნ დოლარის გამომუშავება მოახერხა.
2014 წლის ფინანსური წლის მონაცემებით, Apple-ს შემოსავალმა 182,8 მლრდ დოლარი შეადგინა, ხოლო სუფთა მოგებამ კი 39,5 მლრდ დოლარი.
2014 წლის მეოთხე კვარტალში iPhone-ს გაყიდვები 16 %-ით გაიზარდა და 39,2 მლნ ერთეული შეადგინა. ასევე გაიზარდა Mac-ის რეალიზაციაც 21%-ით. სამაგიეროდ მეოთხე კვარტალში iPad-ის გაყიდვების შემცირება დაფიქსირდა. სტატისტიკური ინფორმაციის მიხედვით, მეოთხე კვარტალში iPad-ის რეალიზაცია 13 %-ით შემცირდა.
