ქართულ ღვინოს რუსულ ბაზარზე პრობლემები აქვს, თუმც ეს პრობლემები რუსეთის ეკონომიკის კრიზისიდან გამომდინარეობს. უფრო კონკრეტულად კი, რუსეთიდან საზღვარგარეთ ფულის გადარიცხვაზე დაწესებული შეზღუდვების გამო, რუსი პარტნიორები ქართველი მეღვინეებისათვის ფულის გადახდას ვერ ახერხებენ და ამიტომ რუსეთში ქართული ღვინის ექსპორტიც ფერხდება.
მეღვინეების ნაწილი იმედოვნებს, რომ თებერვლაში სიტუაცია შედარებით დასტაბილურდება და ექსპორტის განხორციელებას უპრობლემოდ მოახერხებენ.
ექსპერტების ინფორმაციით, ეკონომიკურმა კრიზისმა რუსეთში ღვინოზე მოთხოვნა შეამცირა.
