საქართველოს ტურიზმის ეროვნული ადმინისტრაცია მსოფლიოში ერთ-ერთ უდიდეს ტურისტულ გამოფენაში მონაწილეობს. „East Mediterranean International Tourism and Travel Exhibiton" თურქეთში, ქალაქ სტამბოლში იმართება. სააგენტოს ინფორმაციით, 4 დღიან გამოფენას 60-მდე ქვეყნის წარმომადგენელი ესწრება. გამოფენას 130 000-მდე ტურიზმის სფეროს პროფესიონალი თუ მოგზაურობით დაინტერესებული ვიზიტორი სტუმრობს. EMITT-2015" უკვე 18 წელია იმართება.
საქართველოს ტურიზმის ეროვნული ადმინისტრაციასთან ერთად გამოფენაზე, აჭარის ტურიზმისა და კურორტების დეპარტამენტი, ქუთაისის მერია, "ლიბერთი ჯორჯია", „რიქსოს ბორჯომი," და „დივანი." არაინ წარმოდგენილები. გამოფენის ოფიციალურ გახსნას აჭარის მთავრობის თავმჯდომარე არჩილ ხაბაძე დაესწრო. სარეკლამო-საინფორმაციო მასალების გაცნობასთან ერთად გამოფენაზე აჭარის სტედთან მისულ სტუმრებს შეუძლიათ ქართული ღვინის დაგემოვნება და ყველის გასინჯვა, ასევე ქართული ხალხური სიმღერების ცოცხლად მოსმენა.
თურქეთი საქართველოსთვის ერთ-ერთ მიზნობრივ ტურისტულ ბაზარს წამოადგენს და საქართველოში შემომავალი ვიზიტორების რაოდენობის მიხედვით პირველ ადგილზეა. 2014 წელს, საქართველოს თურქეთიდან 1 435 822 საერთაშორისო მოგზაური ესტუმრა.
