22 იანვარს ქალაქ სტამბოლში ტურიზმის საერთაშორისო გამოფენა „EMITT-2015" დაიწყო. გამოფენაზე საქართველოს ტურიზმის ეროვნული ადმინისტრაციასთან ერთად მონაწილეობას ღებულობს აჭარის ტურიზმისა და კურორტების დეპარტამენტი. გამოფენის ოფიციალურ გახსნას აჭარის მთავრობის თავმჯდომარე ბატონი არჩილ ხაბაძე დაესწრო. ახალ სარეკლამო- საინფორმაციო მასალების გაცნობასთან ერთად აჭარის სტენდში მისულ სტუმრებს შეეძლებათ ქართული ღვინის დაგემოვნება და რეგიონის ფოლკლორული სიმღერების მოსმენა.
„EMITT-2015" უკვე 18 წელია იმართება და ერთ-ერთი ყველაზე მასშტაბური ტურისტული გამოფენაა რეგიონში. მასში წარმოდგენილია 60-მდე ქვეყანა, გამოფენას 130 000-მდე ტურიზმის სფეროს პროფესიონალი თუ მოგზაურობით დაინტერესებული ვიზიტორი სტუმრობს. აღნიშნულ გამოფენაში აჭარის ტურიზმისა და კურორტების დეპარტამენტი ყოველწლიურად ღებულობს მონაწილეობას.