"ჩვენთვის ძალიან მნიშვნელოვანია საქართველოს სოლიდარობის ფონდთან თანამშრომლობა, რადგან ეს ფონდი აქტიურად ეხმარება იმ ადამიანებს, ვისაც ეს განსაკუთრებულად ესაჭიროება. ჩვენი ჯგუფისთვის სოციალური პასუხისმგებლობა საქმიანობის პრიორიტეტული მიმართულებაა და ვფიქრობთ, რომ ამ ფონდთან თანამშრომლობითაა მსგავსი საკითხების კოორდინირებული და ეფექტურად მართვა შესაძლებელი",- განაცხადა „რაკია ჯგუფის" ხელმძღვანელმა გუგა ცანავამ.

პრემიერ-მინისტრის ინიციატივით შექმნილ სოლიდარობის ფონდში სახელმწიფო უწყებებისა და კერძო კომპანიების პარტნიორობით 1,701,000 ლარის მობილიზება მოხერხდა და 1,198,000 ლარით დამტკიცდა 58 ბავშვისა და ახალგაზრდის დიაგნოსტიკისა და მკურნალობის ხარჯები. ფონდის დაფინანსებით 18 ბავშვი უკვე გაემგზავრა სამკურნალოდ, მათ შორის განსაკუთრებით ძვირადღირებული ძვლის ტვინის ტრანსპლანტაციის ოპერაციის ჩასატარებლად.

აღსანიშნავია, რომ „რაკია ჯგუფი" 5 წამყვან კომპანიას შორისაა, რომელიც საქართველოს სოლიდარობის ფონდმა საქმიანობაში განსაკუთრებული ხელშეწყობისთვის დააჯილდოვა.