საქართველოს ავიაბაზრის ლიდერი ისევ "თურქეთის ავიახაზებია". სამოქალაქო ავიაციის სააგენტოს მიერ გავრცელებული სტატისტიკური ინფორმაციის მიხედვით, 2014 წელს გასული წლების მსგავსად, საქართველოს ავიაბაზარზე ლიდერობას "თურქეთის ავიახაზები" მყარად ინარჩუნებს. 2014 წლის მონაცემებით, ავიაკომპანია ბაზრის 22 %-ს აკონტროლებს, საუბარია რეგულარული რეისებით გადაყვანილი მგზავრების რაოდენობაზე. მეორე ადგილზე კი ეროვნული ავიაგადამზიდავი "ჯორჯიან ეარვეისია" ("აირზენა"), რომელიც 2014 წელს განხორციელებული რეგულარული რეისებით გადაყვანილი მგზავრების რაოდენობით ბაზრის 11 %-ის მფლობელია.
მესამე პოზიციაზე კი "უკრაინის საერთაშორისო ავიახაზებია", რომელსაც რეგულარული რეისებით გადაყვანილი მგზავრების 10 %-ი ეკუთვნის. ბაზრის 9 %-იანი წილის მფლობელია ავიაკომპანია "პეგასუსი", ხოლო 5 %-ს "სიბირი" აკონტროლებს.
რაც შეეხება ბაზრი ადგილობრივი და უცხოური მოთამაშეებით გადანაწილებას სტატისტიკა ასეთია: ერობნული ავიაკომპანი(ები)ა- 11%-ი, ხოლო უცხოური - 89%-ი.
