2014 წელს ქუთაისის საერთაშორისო აეროპორტი 16%-ით მეტ მგზავრს მოემსახურა. სამოქალაქო ავიაციის სააგენტოს ინფორმაციით, ქუთაისის საერთაშორისო აეროპორტმა 2014 წელს რეგულარული და არარეგულარული რეისების საშუალებით 218 ათას 3 მგზავრი გაატარა. 2013 წელს კი აღნიშნული მონაცემი
187 ათას 939 მგზავრს შეადგენდა.
სტატისტიკური ინფორმაციის მიხედვით, 2012 წელს აეროპორტმა 12 ათას 932 მგზავრი გაატარა. შესაბამისად 2014 წლის მაჩვენებელი 2012 წლის მაჩვენებლებთან მიმართებაში 1586%-ითაა გაზრდილი.
აღსანიშნავია, რომ 2014 წელს საქართველოს აეროპორტებმა 2 მლნ 8 ათას 171 მგზავრი გაატარეს, რაც 9,51 %-ით მეტია 2013 წლის მაჩვენებლებზე.
