მესტიაში სათხილამურო საბაგირო აღდგენილია. რამდენიმე დღიანი შეფერხების შემდეგ საბაგირო ხაზი ორშაბათს ამოქმედდა და ამდროისათვის სრული დატვირთვით მუშაობს. სამთო-სათხილამურო კორორტზე საბაგირო ხაზი დილის 10 საათიდან საღამოს 5:30 საათამდე ფუნქციონირებს. ამდროისათვის სვანეთში მსოფლიოს სხვადასხვა ქვეყნიდან მრავალი ტურისტი იმყოფება. დიდთოვლობის მიუხედავად ზუგდიდი-ჯვარი-მესტიის საავტომობილო გზაზე მოძრაობა შეფერხებული არ არის და ტურისტებს უშგულის მონახულებაც შეუძლიათ. სათხილამურო საბაგიროს აღდგენა მთის კურორტების განვითარების კომპანიის სპეციალისტების დახმარებით მოხდა.
მასალის გამოყენების პირობები
