Goldman Sachs-ის პროგნოზით, ევრო შესაძლოა დოლარზე ქვემოთ დაეცეს. თუმცა როგორც ექსპერტი ეკონომიკის საკითხებში ირაკლი ლექვინაძე აცხადებს, აღნიშნულ პროცესს საქართველოს ეკონომიკაზე დიდი გავლენის მოხდენა არ შეუძლია, რადგანაც საქართველოს ეკონომიკა დოლარზე მიბმული ეკონომიკაა. ექსპერტის აზრით. თუ კი Goldman Sachs-ის პროგნოზი გამართლდება, მაშინ ევროპაში ექსპორტირებული ქართული პროდუქციის ფასი მოიმატებს, თუმცა საპირისპირო დაემართება საქართველოში იმპორტირებულ პროდუქციას. ლექვინაძე მიიჩნევს, რომ დოლართან მიმართებაში ევროს კურსის დაცემა საქართველოში ევროპული პროდუქციის გაიაფებას გამოიწვევს.
" Goldman Sachs-ის პროგნოზი ეყრდნობა იმ ტრენდს, რაც დღეს არის. აშშ-ს ეკონომიკა იზრდება იმაზე სწრაფად ვიდრე ამას ანალიტიკური და კვლევითი ორგანიზაციები მოელოდნენ. ევროკავშირში კვლავ არის გაურკვეველი სიტუაცია და ევროკავშირის ქვეყნებს, რიგი საკითხების გადაწყვეტის ნაწილში, ეკონომიკურ თემებს ვგულისხმობ, ერთიანობა კვლავ აკლია. რაც გარკვეულწილად ქმნის ბუნდოვანებას, რაც შეიძლება აისახოს შემდგომ ევროს სისუსტეზე. ის პროგნოზი რაც არის, ეფუძნება სწორედ ამ დაშვებას. ახლა როგორ უნდა იმოქმედონ იმ ქვეყნებმა ვისაც ეს რეალურად ეხება?! რათქმაუნდა იმ ქვეყნებმა, რომლის ეკონომიკაშიც მთავარი სავაჭრო პარტნიორი არის ევროკავშირი, ეს პროცესები8 გარკვეულ ასახვას პოვებს, თუმცა ჩვენნაირი ტიპის ქვეყნებისათვის, სადაც ეკონომიკა მიბმულია დოლარზე - ამ შემთხვევაში გავლენა იქნება უმნიშვნელო. მთავარ გავლენად შეგვიძლია ჩავთვალოთ ის, რომ ექსპორტში ევროკავშირის წილი არის დაახლოებით 21 %-ი და ასახვას შევამჩნევთ უმტკივნეულოდ და არა მყისიერად. რეალურად ეს ნიშნავს რომ თუ ადგილობრივი ვალუტა დგას მყარად და ევრო უფასურდება, ეს იმას ნიშნავს, რომ შენი პროდუქცია ევროკავშირის ქვეყნებში გარკვეულწილად გაძვირდება. იმპორტიორებისთვის ხელსაყრელი არ არის, როდესაც ადგილობრივი კურსის გაუფასურების ტენდენცია მიმდინარეობს.
მეორე საკითხი რაც აქედან გამომდინარეობს კიდე არის ის, რომ ევროპული პროდუქცია გაიფდება. ევროპული პროდუქციის წილი ქართულ იმპორტში დაახლოებით 28 %-ია და ჩვენ უნდა ველოდოთ, რომ ევროპიდან შემოსული პროდუქცია გაიაფდება.
რაც შეეხება ფულად გზავნილებს, რიგი ცვლილება არ იქნება, რადგანაც ის ადამიანები რომლებიც დამოკიდებულნი არიან ევროში გზავნილებზე, მათი ღირებულება უმნიშვნელოდ შემცირდება და თან მათი წილი დიდი არც არის",- განაცხადა ირაკლი ლექვინაძემ.
აღსანიშნავია, რომ ევრომ 2017 წლისთვის დოლართან მიმართებაში, შესაძლოა, პარიტეტს მიაღწევს, 2018 წლის იანვრისთვის კი 1 ევროს გაცვლითი კურსი 0.90 დოლარს გაუტოლდება, - ამის შესახებ ნათქვამია Goldman Sachs-ის მიერ გამოქვეყნებულ მიმოხილვაში.
ანალიტიკოსები აღნიშნავენ, რომ ბანკმა სხვადასხვა ვალუტის თანაფარდობის გრძელვადიანი პროგნოზი შეცვალა და აშშ-ის ეკონომიკის სტაბილური ზრდის ფონზე „დოლარის გაძლიერება" ივარაუდა.
Goldman Sachs-ის ეკონომისტები აცხადებენ, რომ ევროზონაში ვალდებულებითი კრიზისის შედეგები, რომელიც 2012 წელს დასრულდა, ამუხრუჭებს ეკონომიკის ზრდას და სავალუტო ბლოკის კონკურენტუნარიოანობას. შესაბამისად, ევრო დოლართან მიმართებაში კლებას გააგრძელებს.
უფრო მეტიც, Goldman-მა ფუნტს სტერლინგთან..