საქართველოს ორემიერი ირაკლი ღარიბაშვილი ესტონეთის პრემიერ-მინისტრ ტაავი როივასისთან ერთად ბიზნეს ფორუმს ესწრება.
პრემიერ-მინისტრმა ფორუმის მონაწილეებს მიმართა და იმ მიღწევებზე ისაუბრა, რომელსაც საქართველომ ბოლო წლების განმავლობაში მიაღწია. როგორც ღარიბაშვილმა განაცახდა ესტონეთი თავისი მიღწევებით, განსაკუთრებით ელექტრონული და ციფრული ტექნოლოგიების სფეროში, ევროპაში ლიდერი ქვეყანაა და მისი მიღწევები მისაბაძია საქართველოსთვის.
საქართველოს პრემიერ-მინისტრმა ევროკავშირთან ღრმა და ყოვლისმომცველი თავისუფალი სავაჭრო სივრცის მნიშვნელობაზეც გააკეთა აქცენტი და აღნიშნა, რომ ეს ხელშეკრულება იძლევა წვდომას ევროპის 900 მილიონიან ბაზართან.
ბიზნეს ფორუმზე საქართველოს ეკონომიკის ძირითად მიმართულებებზე (სოფლის მეურნეობა, ტურიზმი, ენერგეტიკა, ტრანსპორტი და ლოგისტიკა) კონცენტრირებული რამდენიმე პრეზენტაცია იქნება წარმოდგენილი.
ფორუმის მომხსენებლები იქნებიან საქართველოსსაჯარო და კერძო სექტორების მაღალი რანგის წარმომადგენლები და მასში მონაწილეობას მიიღებენ საქართველოში ვიზიტად მყოფი მსხვილი ლატვიური კომპანიების ხელმძღვანელი პირები.
ღონისძიების ფარგლებში ასევე დაგეგმილია საქართველოს სავაჭრო სამრეწველო პალატასა (GCCI) და ესტონეთის სავაჭრო სამრეწველო პალატას (ECCI) შორის ურთიერთგაგების მემორანდუმის ხელმოწერა.
