Samsung-ს შემოსავლები შეუმცირა. "ბი-ბი-სის" ინფორმაციით, ბოლო პერიოდში Samsung-მა ბაზარი შედარებით დაბალფასიანი სმარტფონების მწარმოებლებს დაუთმო.
გამოცემა წერს, რომ 2014 წლის ბოლო კვარტალში კომპანიის შემოსავლები პროგნოზთან შედარებით შემცირებულია და უფრო მეტიც კლებამ გასული წლის ანალოგიურ პერიოდთან შედარებით 37,4%-ი შეადგინა.
არადა კორპორაციის პროგნოზით, საოპერაციო შემოსავლებს 5,2 ტრილიონი კორეული ბონისათვის, ანუ 4,7 მლრდ დოლარისათვის უნდა მიეღწია. 2014 წლის მეოთხე კვარტლის დაზუსტებული მონაცემები იანვრის ბოლოს გამოქვეყნდება და კომპანიის ანალიტიკოსებიც სწორედ მაშინ გაამახვილებენ ყურადღებას შემოსავლის კლების გამომწვევ მიზეზებზე.
თუმც უნდა აღინიშნოს, რომ Samsung-ი ბაზარზე მწვავე კონკურენციას გადააწყდა, რაც ძველი, ტრადიციული კონკურენტების გარდა შედარებით დაბალფასიანი სმარტფონების მწარმოებლებიდანაც მომდინარეობს.
მასალის გამოყენების პირობები
