ისრაელის ერთ-ერთი ყველაზე პოპულარული ინტერნეტ-გაზეთი www.ynet.co.il,(ყოველთვიურად 2 მილიონი მკითხველი ჰყავს.) საქართველოს შესახებ სტატიას აქვეყნებს, სათაურით „მოგზაურობა ბათუმში-მწვანე მიწა, ლურჯი ზღვა და თოვლი."
„ბათუმში 2 საათიანი ფრენის შემდეგ ჩადიხარ, ეს არის საქართველოს ერთ-ერთ ყველაზე ულამაზესი ქალაქი. ბათუმი ტურისტების სიჭარბით და მრავალ კილომეტრზე გადაჭიმული მშვენიერი ბულვარით გამოირჩევა. ტრადიციულ ქართულ სამზარეულოსთან ერთად ამ ქალაქში ევროპულ კერძებსაც დააგემოვნებთ. ბათუმში მრავალი დასავლური სასტუმროა აშენებული: Sheraton, Radisson Blue. გასახსნელად ემზადება Holiday- in, Hilton და Kampinski. 5 ვარსკვლავიანი სასტუმროების გარდა მრავალი პატარა და ლამაზი სასტუმროა.
თუ ისრაელ-პალესტინის კონფლიქტის დავიწყება გსურთ, მაშინ ბათუმს უნდა ეწვიოთ. აქ უამრავი კაზინო და რესტორანია. ბათუმის პორტი სათევზაო და სატვირთო გემებითაა დატვირთული. პორტთან ახლოს მდებარეობს „ალის და ნინო"-ს შთამდეჭდავი სიყვარულის ქანდაკება. რომელიც ლეგენდას მოგვითხრობს მუსლიმი ბიჭისა და მართლმადიდებელი ქრისტიანი გოგონა ნინოს სიყვარულის ისტორიას. აქვე ახლოს მდებარეობს ბათუმის საბაგირო, რომლის საშუალებით ტურისტები გორაკს უკავშირდებიან, საიდანაც ულამაზესი ხედი იშლება ქალაქზე.
ბათუმის მოსახლეობა 150 000 კაცია. ეს არის ქალაქი ძველი, განახლებული უბნებით და თანამედროვე ცათამბჯენებით. ბათუმს მომხიბვლელობას მატებს სხვადასხვა არქიტექტორული ნაზავი. სანამ ბათუმში დიდი სავაჭრო ცენტრი გაიხსნება, მანამდე შეგიძლიათ სხვადასხვა მაღაზიებს ეწვიოთ, სადაც საერთაშორისო მოდის ბრენდებს შეხვდებით.
ბათუმს ძალიან უყვარს სინათლე. საღამოს ეს ქალაქი განსაკუთრებულად განათებულია. სხვადასხვა ფერადი განათება მხიარულ გარემოს ქმნის. ავტობუსით მგზავრობის შემდეგ გონიოს ციხეს ვეწვიეთ. ეს არის პირველ საუკუნეში აგებული რომაული ციხე-სიმაგრე, პატარა არქეოლოგიური მუზეუმით.
ჩვენ ქედას რაიონს ვესტუმრეთ და ღამე „ზებო გესთჰაუზში" გავათენეთ. ადგილობრივებთან სტუმრობით ძალიან ვისიამოვნეთ. დავაგემოვნეთ აჭარული კერძები, გავეცანით ადგილობრივ ფოლკლორს.
ჩვენ ბათუმში სტამბულის გავლით ჩავფრინდით, თელ-ავივსა და ბათუმს შორის პირდაპირი საჰაერო მიმოსვლა ძალიან საჭიროა. ბათუმში თელ ავივი-თბილისის რეისის საშუალებითაც შეიძლება ჩაფრენა.
