კომპანია Boeing-მა 2014 წელს 1432 თვითმფრინავის მიწოდებაზე მიიღო შეკვეთა. აღნიშნული გარიგებების ღირებულება კი საერთო ჯამში 232,7 მლრდ დოლარადაა შეფასებული. ყველაზე მაღალი მოთხოვნა საშუალომაგისტრალურ მარშუტებზე გამოსაყენებელ Boeing 737-ზე მოდის, რომელიც კომპანიას 2014 წელს 1104 ერთეული დაუკვეთეს.
ასევე, ლიზინკით შეუკვეთეს 283 ერთეული Boeing 777, 41 ერთეული Boeing 787 Dreamliner-ი, 4 ერთეული Boeing 767 და არაერთი Boeing 747-ი.
საერთო ჯამში, ამ დროისათვის კომპანიას 5789 ერთეულ ხომალდზე აქვს შეკვეთა აღებული. აღსანიშნავია, რომ გასულ წელს ამერიკულმა ხომალდების მწარმოებელმა ბაზარს 723 ავიალაინერი მიაწოდა, მათ შორის იყო: 485 ერთეული - Boeing 737, 114 ერთეული - Boeing 787, 99 ერთეული - Boeing 787, 19 ერთეული - Boeing 747 და 6 ერთეული - Boeing 767.
2014 წელს კომპანიამ ასევე წარმოებაში ჩაუშვა 200 ადგილიანი ხომალდის წარმოების პროექტი - 737 MAX 200. აღნიშნულ ავიალაინერზე შეკვეთა უკვე გააკეთა Ryanair-მა, რომელმაც ამერიკულ კომპანიას 100 ერთეული 737 MAX 200 შეუკვეთა.