საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნული სააგენტო" სახელმწიფო ქონების ინვენტარიზაციის სრულმასშტაბიან პროექტს იწყებს.
პროექტის დაწყებასთან დაკავშირებით, 8 იანვარს, 11:00 საათზე, ეკონომიკისა და მდგრადი განვითარების მინისტრის პირველი მოადგილე, დიმიტრი ქუმსიშვილი პრეზენტაციას გამართავს. ღონისძიება ჩატარდება ეკონომიკისა და მდგრადი განვითარების სამინისტროს შენობაში, პირველ სართულზე (თბილისი, ჭანტურის 12).
სახელმწიფო ქონების ინვენტარიზაციის შედეგად შესაძლებელი გახდება სახელმწიფო ქონების ზუსტი რაოდენობის დადგენა და გამოუყენებელი აქტივების ეკონომიკურ ბრუნვაში ჩართვა. აღნიშნული პროექტის მეშვეობით დაჩქარდება და კიდევ უფრო გამჭვირვალე გახდება პრივატიზების პროცესი, რაც თავის მხრივ, დადებითად აისახება ქვეყნის ეკონომიკურ განვითარებაზე.
