ვიზის აღების ელექტრონულ ფორმას მთავრობა სავარაუდოდ 1-ელ თებერვალს წარმოადგენს. ტურიზმის ეროვნული ადმინისტრაციის ხელმძღვანელის გიორგი ჩოგოვაძის განმარტებით, 2014 წელს საქართველოს 5 493 492 საერთაშორისო მოგზაური ეწვია, რაც 2013 წლის ანალოგიური მაჩვენებელზე 1,9%-ით მეტია. ჩოგოვაძის განმარტებით წინასწარი პროგნოზი უფრო მაღალი იყო, თუმც მისი აღსრულებმა რამდენიმე ფაქტორმა დაამუხრუჭა.
"პირველ რიგში, ესაა რეგიონში არსებული ვითარება, მათ შორის, რუსეთსა და უკრაინაში განვითარებული მოვლენები, თუმცა სავიზო რეგულაციების გამკაცრებამ, შესაძლოა, გარკვეულწილად ტურისტების რაოდენობაზე იმოქმედა. უახლოეს მომავალში საქართველოს მთავრობა წარმოადგენს ვიზის აღების ელექტრონულ ფორმას, რაც ტურისტებს საქართველოს ვიზის აღების შესაძლებლობას გაუმარტივებს", - აღნიშნა გიორგი ჩოგოვაძემ.
