გრძელდება აქცია-ღონისძიებები, რომლებსაც სხვადასხვა ავტო ბრენდების წარმომადგენლები და საავტომობილო კლუბები თავიანთი მოდელების მხარდასაჭერად მართავენ. ამჯერად, კონკურსში BMW Club Georgia ჩაერთო.

27 დეკემბერს, ვაკე-საბურთალოს გადასასვლელთან მდებარე „ვისოლის" ავტოგასამართი სადურიდან სტარტი აიღო BMW Club Georgia-ს საავტომობილო ესკორტით მსვლელობამ, რომლის მიზანი კონკურს "ოქროს საჭე 2014-ში" BMW-ს მოდელების მხარდაჭერა იყო. მსვლელობის ფინიში რუსთაველის მეტროს მიმდებარე ტერიტორია იყო, სადაც ავტომოყვარულებს საშუალება ქონდათ, რომ სპეციალური კითხვარები შეევსოთ და ასე დაეჭირათ მხარი ფავორიტი მოდელებისათვის. ასევე, დარიგდა ჟურნალ "აუტო ბილდ საქართველოს" სხვადასხვა ნომრები.

კონკურსში მონაწილეობას იღებენ წლის საუკეთესო ავტომობილები, რომლებიც გადანაწილებულნი არიან 6 კლასში. რჩეული ავტომობილისთვის ხმის მიცემის პროცედურა მიმდინარეობს ვებგვერდზე: www.autobild.ge.

ხმის მიცემის პროცედურა იანვრის ბოლომდე გაგრძელდება და საზეიმო დაჯილდოვების ცერემონიალით დასრულდება. საუკეთესო ავტომობილების გამოვლენის კამპანიაში ჩართულნი არიან საავტომობილო დილერები, სხვადასხვა ავტო ბრენდის ფან კლუბები და სხვა გულშემატკივრები.

"ოქროს საჭე 2014"-ის კონკურსში მონაწილე მსოფლიოს წამყვანი ბრენდების უახლესი მოდელებისათვის რეკომენდებული სწორედ უახლესი ევროპული სტანდარტის, უმაღლესი ხარისხის საწვავია, რომლის რეალიზაციასაც საქართველოში „ვისოლი" "ეკოს" პროდუქტების სახით საკუთრებაში არსეული ავტოგასამართი სადგურების ყველაზე ფართო ქსელის საშუალებით ახდენს. შესაბამისად, "ვისოლი" მოხარულია იყოს მხარდამჭერი საავტომობილო სივრცეში წლის ყველაზე მნიშვნელოვანი ღონისძიებისა", - აცხადებს „ვისოლ პეტრლიუმ ჯორჯიას" გენერალური დირექტორი ვასილ ხორავა.