„ვისოლ ჯგუფმა" საბურთალოზე, ცინცაძის ქ.N#37-ში (ყოფილის საბურთალოს ქ.), სუპერმარკეტ „სმარტის" და ამერიკული რესტორნის ქსელის „ვენდის" ახალი ობიექტები გახსნა. დღესვე ვაკეში, ჭავჭავაძის გამზირის N: 36-ში „ვენდის" მეორე რესტორანიც გაიხსნა. „ვისოლ ჯგუფის" ახალ სავაჭრო ობიექტებზე 300-მდე ადამიანი დასაქმდა. გახსნის საზეიმო ცერემონიალს „ვენდის" საერთაშორისო პრეზიდენტი დარელ ვან ლიგტენი, ამერიკის შეერთებული შტატების ელჩის მოადგილე საქართველოში და თბილისის მერი დავით ნარმანია დაესწრნენ.
„"ვისოლ ჯგუფის" შვილობილი კომპანიების ქსელის განვითარება ახალ ფაზაში შედის. საბურთალოზე "სმარტისა" და „ვენდის" ობიექტები გამოირჩევა თავისი ერგონომიკით და თითოეული დეტალი მომხმარებელს კიდევ ერთხელ არწმუნებს, თუ რაოდენ მნიშვნელოვანია ჩვენთვის სიტყვა "ხარისხი". ვეცადეთ „სმარტის" ახალი სუპერმარკეტისა და „ვენდის" 2 ახალი რესტორნის გახსნა ახალი წლის დღესასწაულამდე მოგვეხდინა, რომ საინტერესო საჩუქარი გაგვეკეთებინა საბურთალოსა და ვაკის მომხმარებლებისათვის და წინასაახალწლო საყიდლებისათვის ყველაზე კომფორტული გარემო და საუკეთესო ფასები შეგვეთავაზებინა. წინასაახალწლოდ საბურთალოს "სმარტსა" და "ვენდიში" 18 დეკემბრიდან 4 დღის მანძილზე ყველა პროდუქტზე 15% ფასდაკლებაა", აცხადებს „ვისოლ ჯგუფის" პრეზიდენტი სოსო ფხაკაძე.
საბურთალოს ობიექტი „სმარტისთვის" მეთოთხმეტე სუპერმარკეტია, ხოლო „ვენდის" უკვე ოთხ ამერიკულ რესტორანში თბილისის მოსახლეობას დღეიდან შეეძლება მსოფლიოში ყველაზე პოპულარული, უგემრიელეს პრეტცელის პურში მოთავსებლი ჩედარის მდნარი ყველითა და შებოლილი ბეკონით მომზადებული „პრეტცელ ბურგერების" დაგემოვნება. განსაკუთრებულად აღნიშვნის ღირსია ის, რომ პრეტცელის პური „ვენდის" რეცეპტით საქართველოშია დამზადებული და იგი უნიკალური გემოვნური თვისებებით გამოირჩევა. იმპორტირებული პროდუქტების ადგილობრივი პროდუქტებით ჩანაცვლება საქართველოში „ვენდის" ერთ-ერთი ყველაზე მთავარი ბიზნეს ამოცანაა.
„სმარტის" სუპერმარკეტის ყოველდღიური მოხმარების პროდუქტების ფართო არჩევანი და ზომიერი ფასები, კომფორტული „სმარტ კაფე" სრული მომსახურებით, ინტერნეტ (ჭIFI) ზონა, აფთიაქი, ბანკის ფილიალი, სხვადასხვა ტიპის მაღაზიები „ვენდის" ამერიკულ რესტორანთან ერთად მომხმარებელს სრულ კომფორტს შეუქმნის. 2000 კვადრატულზე განთავსებული პარკირების ზონა კი „სმარტში" და „ვენდისში" სტუმრობას უფრო მეტად სასურველს და მოსახერხებელს გახდის.
„ვისოლ ჯგუფმა" სუპერმარკეტების ქსელის „სმარტის" ქსელის განვითარება 2010 წელს დაიწყო. „სმარტის" სუპერმარკეტები დღესდღეობით წარმატებით ფუნქციონირებს აღმაშენებლის ხეივნის მე-13 კილომეტრზე, რუსთაველის გამზირზე, ვაკეში, ვაზისუბნის მეორე მიკრორაიონში, კახეთის გზატკეცილზე, გუდაურში, ბათუმში, ზუგდიდში, მარნეულში, ახალციხეში, ყვარელსა და ჩქაროსნული ავტომაგისტრალის გორის მონაკვეთზე. „ვენდის" პირველი რესტორანი კი „ვისოლ ჯგუფმა" 2013 წელს რუსთაველის გამზირზე გახსნა.
