საქართველო ბიზნესისათვის საუკეთესო ქვეყნების რეიტინგში დაწინაურდა. ყოველწლიური რეიტინგი Forbes-მა გამოაქვეყნა. საქართველო 146 ქვეყანას შორის 47-ე ადგილზე განთავსდა. 2011 -2013 წლების ამავე რეიტინგებში საქართველო 145 ქვეყანას შორის 50-ე ადგილს იკავებდა. წლევანდელ რეიტინგში საქართველო ხორვავტიასა და მონტენეგროს შორის არის განთავსებული.
Forbes-მა რეიტინგის შედგენისას სხვადასხვა კრიტერიუმი გაითვალისწინა. ბიუროკრატიისგან თავისუფლების დონით საქართველო მე-5 ადგილზეა, სავაჭრო თავისუფლების დონით მე-6 პოზიციაზე, მონეტარული თავისუფლების მიხედვით - 52-ე, საკუთრების უფლების დაცვით - 105-ე, ინოვაციები - 120-ე, ტექნოლოგიები - 66-ე, ინვესტორების დაცვა - 42-ე, კორუფცია - 46-ე, პირადი თავისუფლების მიხედვით კი 67-ე ადგილზე განთავსდა.
რეიტინგში- „საუკეთესო ქვეყნები ბიზნესისთვის" დანია ლიდერობს. მეორე ადგილზე ჰონგ-კონგია, მესამეზე ახალი ზელანდია. ხუთეულში შედიან: ირლანდია და შვედეთი.
რაც შეეხება ჩვენს მეზობლებს, თურქეთი 50-ე, აზერბაიჯანი 60-ე, სომხეთი - 56-ე, რუსეთი - 91 ადგილზე განთავსდნენ.
რეიტინგში ბოლო სამ პოზიციას კი ლიბია, ჩადი და გვინეა იკავებს.
