2015 წლის 1 იანვრიდან რუსეთის ფედერაციის პერმის მხარეში ევროკავშირისა და ყოფილი საბჭოეთის რამდენიმე ქვეყნიდან სხვადსხვა სახის პრიდუქტის, მათ შორის ხილის, ბოსტნეულის, მწვანილის, ჩაისა და თხილის შეტანა აიკრძალება
აკრძალვები შეეხება საქართველოს, უკრაინას, მოლდოვას, აზერბაიჯანს, უზბეკეთსა და ტაჯიკეთს.
ასეთი გადაწყვეტილების მიზეზი ,,მცენარეების კარანტინის" შესახებ კანონია, რომელიც სწორედ ახალი წლიდან უნდა ამოქმედდეს და რომლის მიხედვითაც კარანტინში გათვალისწინებული პროდუქციის შეტანა სასტიკად იკრძალება.
სხვა ქვეყნებიდან ზემოთჩამოთვლილი სახეობების პროდუქტის შეტანა თითო ადამიანს 5 კილოგრამით განესაზღვრება. დიდი ოდენობით ხილის, ბოსტნეულის ან მწვანილის შეტანის მსურველს თან უნდა ჰქონდეს შესაბამისი სერთიფიკატი და ნებართვა.
რაც შეეხება კარტოფილს, სპეციალური ფიტოსანიტარული სერთიფიკატის გარეშე, პერმის მხარეში მისი შეტანა ყველა ქვეყნისთვის აიკრძალება.
