უცხოური ვალუტის კურსი ყოველგვარ ზღვარს გასცდა და რუსეთის ეკონომიკისთვის არაკომფორტული გახდა. ამის შესახებ რუსეთის პრემიერ-მინისტრმა დიმიტრი მედვედევმა განაცხადა. მისივე თქმით, მიმდინარე კურსით დოლარისა და ევროს ყიდვა მოსახლეობისთვის არამომგებიანია. "ციფრები, რომელსაც დღეს ვხედავთ გადამცვლელ პუნქტებში, არ შეესაბამება ობიექტურ სურათს და ჩვენს ეკონომიკას არაკომფორტულ მდგომარეობაში აგდებს. არსებულ ვითარებაში მოსახლეობის მოთხოვნილება უცხოურ ვალუტაზე გასაგებია, თუმცა ჩვენს თანამოქალაქეებს უნდა გავაგებინოთ, რომ არარეალურად მაღალი კურსით დოლარისა და ევროს ყიდვა მათთვის არამომგებიანია,"-განაცხადა მედვედევმა.
მასალის გამოყენების პირობები
