რუსეთი რიგ ქვეყნებში ხორბლის ექსპორტს ზღუდავს. „ჯი-ეიჩ-ენის" ინფორმაციით, საქართველოში ამ დროისათვის ვერ სრულდება რამდენიმე კონტრაქტი, რუსეთიდან ხორბლის იმპორტზე. აღნიშნულის მიზეზად კი სოციალისტები, „როსსელხოზნადზორის" მიერ ფიტოსანიტარული სერთიფიკატის გაუცემლობას ასახელებენ.
ხორბლისა და პურ - პროდუქტების მწარმოებელთა ასოციაციაში კი განმარტავენ, რომ ასოციაცია ამ დროისათვის სწავლობს საკითხს, რუსეთიდან ხორბლის იმპორტის შეფერხების მიზეზებზე. თუმცა ასოციაციაში ამ ეტაპზე დაუდასტურებლად აცხადებენ, რომ შეზღუდვა სავარაუდოდ „როსსელხოზნადზორის"ინიციატივას უკავშირდება.
საერთაშორისო ექსპერტები კი განმარტავენ, რომ რუსეთის ხელისუფლების პირობის მიუხედავად, არ დაეწესებინათ საგარეო ბაზარზე ხორბლის გატანის შეზღუდვა „როსსელხოზნადზორი" ფიტოსანიტარული სერთიფიკატების გაცემას ზღუდავს. აღნიშნულ პრობლემას უკვე ყურადღება მიაქციეს აშშ-შიც.
რუსეთის ქმედების მთავარ მოტივად ქვეყნის შიგნით კვების პროდუქტებზე ფასების ზრდა სახელდება. პარალელურად გაიზარდა ამერიკული ხორბლის კვოტირება. მარტის კვოტირების მიხედვით რბილი ხორბალი 1,56 დოლარით გაძვირდა და ტონაზე 229 დოლარი შეადგინა. ხოლო მაგარი ხორბლის ფასი კი 2,84 დოლარით გაძვირდა და ტონაზე 240,57 დოლარი ღირს.