ფინური ღორის ხორცისათვის გასაღების ახალი ბაზარი ნაპოვნია, აღნიშნულის შესახებ ინფორმაციას ფინეთის სურსათის უსაფრთხოების სააგენტო Evira ავრცელებს. სააგენტოს ცნობით, რუსეთის ნაცვლად ფინური ღორის ხორცი საქართველოში შევა. ასევე, ხორცის ექსპორტირებაზე მოლაპარაკებები მიდის სომხეთთანაც.
Evira-ს ინფორმაციით, მიმდინარე წლის იანვარში რუსეთმა ევროკავშირის ქვეყნებიდან ღორის ხორცის იმპორტი აკრძალა. აღნიშნულმა ემბარგომ კი პირდაპირი ასახვა პოვა ფინური ბაზრის რენტაბელობაზე. საბაჟო სამსახურის ინფორმაციით, გასულ წელს ფინეთიდან რუსეთში 5 ათასი ტონა ღორის ხორცი შეიტანეს.
Evira-ს განმარტებით, საქართველოში ფინური ღორის ხორცის ექსპორტი ივლისში დაიწყო და ამ დროისათვის ექსპორტის მოცულობა 150 ტონას შეადგენს.
მასალის გამოყენების პირობები
