ფინანსთა მინისტრი ნოდარ ხადური დღეს ჰარვარდის უნივერსიტეტის პროფესორებს სტივენ ჯონსს, ტერი მარტინს, ალექსანდრა ვექროს და ტიმოთი კოლტონს შეხვდა.
მათი ინიციატივით მიმდინარეობს მუშაობა ჰარვარდის უნივერსიტეტში ქართველოლოგიის ცენტრის დაფუძნებისთვის, სადაც ამერიკელი სტუდენტები, სამეცნიერო წრეების წარმომადგენლები, მკვლევარები მიიღებენ საფუძვლიან ცოდნას საქართველოს შესახებ და ზოგადად, კავკასიის რეგიონზე. ასევე, ქართველი სტუდენტებისა და პროფესორ-მასწავლებლებს ექნებათ შესაძლებლობა გააღრმავონ ურთიერთობები ამერიკის შეერთებულ შტატებთან.
შეხვედრაზე ისაუბრეს აღნიშნული ცენტრის მნიშვნელობაზე ორი ქვეყნის ურთიერთობების განვითარებისთვის როგორც პოლიტიკური, ისე ეკონომიკური და კულტურული მიმართულებით. ფინანსთა მინისტრმა იმედი გამოთქვა, რომ მალე მოხდება შესაბამისი რესურსების მოძიება, რათა აღნიშნულმა ცენტრმა ფუნქციონირება დაიწყოს.
