"საქართველოს ბანკის ჯგუფის განახლებული სტრუქტურის თანახმად, განხორციელდება იურიდიული რესტრუქტურიზაცია და საბანკო-საფინანსო და არასაბანკო ბიზნესების გამიჯვნა. საქართველოს ბანკი სრულად ფოკუსირდება საბანკო საქმიანობაზე, არასაბანკო ბიზნესი კი გაერთიანდება ცალკე საინვესტიციო მიმართულებად და შევა საქართველოს ბანკის ჰოლდინგის (Bank of Georgia Holdings plc) პირდაპირ დაქვემდებარებაში. შედეგად, არასაბანკო ბიზნესი საქმიანობას განგარძობს საქართველოს ბანკისგან დამოუკიდებლად",- აღნიშნა ირაკლი გილაურმა.

სტრუქტურული ცვლილებების კვალდაკვალ მოხდა მენეჯმენტის გამიჯვნა საბანკო და არასაბანკო მიმართულებების მიხედვით და ცვლილებები შევიდა ბანკის მენეჯმენტის შემადგენლობაში. 2015 წლის ზაფხულში საქართველოს ბანკის გენერალური დირექტორი ირაკლი გილაური გადავა საქართველოს ბანკის სამეთვალყურეო საბჭოს თავმჯდომარის (არააღმასრულებელი) პოსტზე. ირაკლი გილაური ასევე განაგრძობს მოღვაწეობას საქართველოს ბანკის ჰოლდინგის გენერალური დირექტორის თანამდებობაზე. 2015 წლის ზაფხულიდან საქართველოს ბანკის გენერალური დირექტორის თანამდებობაზე დაინიშნება მურთაზ კიკორია, რომელიც მანამდე შეასრულებს საქართველოს ბანკის ფინანსური დირექტორის მოვალეობას.

დირექტორის პოსტზე, 2012 წლის ოქტომბრიდან. 2011 წლის ივნისიდან, მურთაზი იკავებდა საქართველოს ბანკის გენერალური დირექტორის მოადგილის პოსტს, ფინანსების დარგში. 2009 წლის ივნისიდან, მურთაზი მუშაობდა საქართველოს შვილობილ უკრაინულ BG Bank -ში, გენერალური დირექტორის მოვალეობის შემსრულებლად. მურთაზ კიკორია საქართველოს ბანკს შემოუერთდა 2008 წელს, როდესაც მუშაობა დაიწყო გენერალური დირექტორის მოადგილედ, შესაბამისობის დარგში. 2005-2007 წლებში, მურთაზ კიკორია მუშაობდა EBRD -ში, მთავარ ბანკირად. 2001-2005 წლებში კიკორია იკავებდა ბანკების ზედამხედველობის ხელმღძვანელის პოსტს საქართველოს ეროვნულ ბანკში. მურთაზ კიკორია ასევე მუშაობდა სხვადასხვა წამყვან პოზიციაზე გაერთიანებულ ქართულ ბანკში და სილქროუდ ბანკში. მურთაზ კიკორია ფლობს ბაკალავრის ხარისხს თბილისის სახელმწიფო უნივერსიტეტისგან ეკნომიკაში, სპეციალობით ფინანსები და კრედიტი.