მანდარინის (არასტანდარ¬ტული) მოსავლის რეალიზაციის ხელშეწყობის ღონისძიებების დაფი¬ნანსების უზრუნველსაყოფად მთავრობამ 2 მლნ ლარი გამოყო. როგორც მთავრობის №2058 განკარგულებით ირკვევა, 2014 წლის მანდარინის მოსავლის რეალიზაციის ხელშეწყობის ღონისძიებების ფარგლებში სახელმწიფო ბიუჯეტიდან სოფლის მეურნეობის პროექტების მართვის სააგენტოს საშუალებით არა უმეტეს 2 მილიონი ლარი დაიხარჯება. როგორც განკარგულებაშია აღნიშნული, სააგენტომ არასტანდარტული მანდარინის გადამამუშავებელ კომპანიებზე, რომლებიც 2015 წლის 1 თებერვლამდე, სამრეწველო გადამუშავების მიზნით, ფიზიკური პირებისგან 1 კგ არასტანდარტულ მანდარინს შეისყიდიან არანაკლებ 0.20 ლარად, გასცეს სუბსიდია 1 კგ არასტანდარტულ მანდარინზე - 0.10 ლარის ოდენობით.
მასალის გამოყენების პირობები
