სუპერმარკეტების ქსელი „სმარტი" გაფართოებას განაგრძობს და გორში კიდევ ერთ ობიექტს ხსნის. ახალი სუპერმარკეტის გახსნას გორის მუნიციპალიტეტის მერი ზურაბ ჯირკველიშვილი დაესწრო.
ქალაქის ცენტრში, ცხინვალის გზატკეცილი #12-ში მდებარე თანამედროვე სუპერმარკეტი 750-მდე კვადრატულ მეტრს მოიცავს. კომფორტულ, ევროპული სტანდარტების შესაბამის სავაჭრო ცენტრში განთავსებულია სუპერმარკეტი „სმარტი", "სმარტის კაფე" და აფთიაქი. მრავალფეროვანი, უმაღლესი ხარისხის პროდუქტები, სმარტის წარმოების ყოველდღიურად ახალი, უგემრიელესი პურ-ფუნთუშეული და საკონდიტრო ნაწარმი, მისაღები ფასები, უფასო WI-FI და სხვადასხვა სერვისები შესყიდვებს უფრო კომფორტულს ხდის.
„სუპერმარკეტების ქსელ „სმარტის" განვითარება აქტიურ ფაზაში შედის. მოხარულნი ვართ, რომ დღეიდან გორის მოსახლეობას საშუალებას ვაძლევთ, ევროპული სტანდარტების სუპერმარკეტ „სმარტში" მათთვის საჭირო პროდუქტები კომფორტულ გარემოში მისაღებ ფასად შეიძინონ. ყველაზე მეტად ის გვახარებს, რომ ყოველი ობიექტის გახსნა ახალი სამუშაო ადგილების შექმნას და ათობით ოჯახში შემოსავლის წყაროს გაჩენას ნიშნავს. „სმარტისათვის" გორში ეს უკვე მეორე სუპერმარკეტია. მომხმარებელი კარგად იცნობს ჩქაროსნულ ავტომაგისტრალზე არსებულ სმარტის სუპერმარკეტს, რომლის სტაბილურად მზარდი რეალიზაცია მის პოპულარობაზე მეტყველებს. ჯამურად გორის სუპერმარკეტებში ჩვენ 150-მდე ადგილობრივი მაცხოვრებლის დასაქმება შევძელით", - აცხადებს „ვისოლ ჯგუფის" პრეზიდენტი სოსო ფხაკაძე.
„სმარტის" რეგიონალური განვითარება გრძელდება და სუპერმარკეტების ქსელი ფოთში, წყნეთში, ბათუმში, ქუთაისში და ზუგდიდშიც გაიხსნება. სუპერმარკეტების ქსელი სვადასხვა ფორმატების იქნება. მომავალი სამი წლის მანძილზე ვისოლ ჯგუფი „სმარტის" სუპერმარკეტების ქსელის მნიშვნელოვან გაფართოებას გეგმავს და 3000-მდე ადამიანს დაასაქმებს.
„სმარტი" გამორჩეულია ბაზარზე უმაღლესი ხარისხის პროდუქტის ფართო არჩევანითა და მომსახურების ევროპული სტანდარტებით. „ვისოლ ჯგუფმა" „სმარტის" ქსელის განვითარება 2010 წელს დაიწყო. „სმარტის" სუპერმარკეტები დღესდღეობით წარმატებით ფუნქციონირებს თბილისში, აღმაშენებლის ხეივნის მე-13 კილომეტრზე, რუსთაველის გამზირზე, ვაკეში, ვაზისუბნის მეორე მიკრორაიონში, კახეთის გზატკეცილზე, ბათუმში, გუდაურში, ზუგდიდში, მარნეულში, ახალციხეში, ყვარელსა და ჩქაროსნული ავტომაგისტრალის გორის მონაკვეთზე.