ნოემბერში წინა თვესთან შედარებით საქართველოში ინფლაციის დონემ -0,1 პროცენტი შეადგინა.
"საქსტატის" ინფორმაციით, მოცემულ პერიოდში ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:
ტრანსპორტი: აღნიშნულ პერიოდში დაფიქსირდა ფასების 0,9-პროცენტიანი კლება, რაც თვის ინფლაციის მთლიან მაჩვენებელზე -0,10 პროცენტული პუნქტით აისახა. ფასების კლება დაფიქსირდა საწვავ-საპოხ მასალებზე (-1,7 პროცენტი);
დასვენება, გართობა და კულტურა: ჯგუფზე დაფიქსირდა ფასების 0,5-პროცენტიანი კლება, რამაც თვის ინფლაციაზე -0,04 პროცენტული პუნქტით მოახდინა გავლენა. ფასები შემცირდა ქვეჯგუფზე - აუდიო-ვიზუალური, ფოტოგრაფიული და მონაცემთა დამუშავების მოწყობილობები, რემონტის ჩათვლით (-1,6 პროცენტი);
ალკოჰოლური სასმელები, თამბაქო: ფასები გაიზარდა 0,5 პროცენტით, რაც თვის ინფლაციაზე 0,03 პროცენტული პუნქტით აისახა. აღნიშნული ზრდა განაპირობა ალკოჰოლური სასმელების ქვეჯგუფზე ფასების 1,0-პროცენტიანმა მატებამ..