Pegasus Airlines-ი, 31 მარტიდან ქუთაისის აეროპორტიდან სტამბოლის მიმართულებით იწყებს ფრენებს.
ამ ინფორმაციას ინტერნეტ-რესურსი airlineroute.net-ი ავრცელებს. საიტზე მითითებულია, რომ თურქული ავიაკომპანია, ქუთაისის დავით აღმაშენებლის სახელობის აეროპორტს და სტამბოლის Sabiha Gokcen-ის აეროპორტს შორის კვირაში სამჯერ იფრენს.
ინტერნეტ-რესურსის ინფორმაციით, მთლიანობაში 2015 წლის ზაფხულის სეზონზე Pegasus Airlines-ი 15 ახალ მიმართულებას დაამატებს სტაბმოლის და ანტალიის აეროპორტებიდან.
Pegasus Airlines-ის ოფიციალურ საიტზე ამჟამად ავიაბილეთები ქუთასი-სტამბოლი ხელმისაწვდომი არ არის და შესაბამისად ჯერ უცნობია რა ეღირება ბილეთი. თუმცა იმის გათვალისწინებით, რომ ქუთასის აეროპორტის მოსაკრებელი თბილისის და ბათუმის აეროპორტებისაზე ნაკლებია, ავიაბილეთების ღირებულება სავარაუდოდ უფრო დაბალი იქნება.
Pegasus Airlines-ი თბილისის საერთაშორისო აეროპორტიდან ყოველდღე დაფრინავს.