ევროპის თავისუფალი ვაჭრობის ასოციაცია (EFTA) (შვეიცარია, ნორვეგია, ლიხტენშტეინი და ისლანდია) საქართველოსთან თავისუფალი ვაჭრობის ხელშეკრულების გაფორმების შესახებ მოლაპარაკებების დაწყებასთან დაკავშირებით, მზადყოფნას გამოთქვამს. აღნიშნული გადაწყვეტილება EFTA-ს მინისტერიალზე მიიღეს, რომელიც შვეიცარიის ქალაქ ჟენევაში მიმდინარე წლის ნოემბერში გაიმართა.
როგორც ეკონომიკისა და მდგრადი განვითარების სამინისტროს მიერ გავრცელებულ ინფორმაციაშია ნათქვამი, აღნიშნული საკითხი პირველად დაისვა საქართველოსა და ევროპის თავისუფალი ვაჭრობის ასოციაციას შორის თანამშრომლობის ერთობლივი კომიტეტის პირველ სხდომაზე, რომელიც ორი თვის წინ ჟენევაში ჩატარდა. აღნიშნულ სხდომაზე მხარეებმა განიხილეს ორმხრივი სავაჭრო-ეკონომიკური ურთიერთობები და მიმოიხილეს ის სფეროები, სადაც შესაძლებელია თანამშრომლობის უფრო მეტად გაღრმავება.
მასალის გამოყენების პირობები
