რუსეთი ოკუპირებული აფხაზეთისთვის ფინანსურ დახმარებას გააორმაგებს. ამის შესახებ რუსეთის ფედერაციის პრეზიდენტმა ვლადიმერ პუტინმა დღეს სოჭში რაულ ხაჯიმბასთან შეხვედრისას განაცხადა.
,,წინა და მიმდინარე წელთან შედარებით, დაგეგმილია ფინანსური დახმარების გაორმაგება." - შეპირდა ოკუპირებული აფხაზეთის პრეზიდენტს ვლადიმერ პუტინი.
მისი თქმით, რუსეთ-აფხაზეთის ურთიერთობა წარმატებულად ვითარდება და საამისოდ კარგი ნორმატიულ-სამართლებრივი ბაზაა შექმნილი.
,,ჩვენი ექსპერტები და პარლამენტარები მივიდნენ დასკვნამდე, რომ აუცილებელია დამატებითი აქტების მიღება, რათა ეკონომიკური კავშირებისთვის საუკეთესო პირობები შევიმუშავოდ, ასევე, იმისთვის, რომ აფხაზეთის უსაფრთხოება უზრუნველვყოთ და ხალხის ცხოვრება გავაუმჯობესოთ."- აღნიშნა რუსეთის ფედერაციის პრეზიდენტმა.
მან გამოთქვა იმედი, რომ ,,ლიდერების" დღევანდელი შეხვედრა მათი კომპლექსური ურთიერთობის დასაწყებად კარგი ბიძგი იქნება.
