2014 წლის 10 თვეში, საქართველოს სახელმწიფო საზღვარზე ჩამოსულ უცხოეთის მოქალაქეთა რაოდენობამ 4 657 525 შეადგინა, რაც წინა წლის შესაბამის მაჩვენებელს 2%-ით აღემატება.
2014 წლის იანვარ-ოქტომბერში, ევროპის ქვეყნებიდან საქართველოში 4 515 152 უცხოეთის მოქალაქე შემოვიდა (შემოსულ ვიზიტორთა 96,9%), რაც გასული წლის ანალოგიურ მაჩვენებელზე, 3%-ით მეტია.
2014 წლის ათ თვეში, ამერიკიდან შემოსულია 30 685 უცხოეთის მოქალაქე (შემოსულ ვიზიტორთა 0,7%). აღნიშნულ პერიოდში, აზიის ქვეყნებიდან შემოვიდა 69 379 უცხოეთის მოქალაქე (შემოსულ ვიზიტორთა 1,5%), ახლო აღმოსავლეთიდან 36 927 უცხოეთის მოქალაქე (შემოსულ ვიზიტორთა 0,8%), აფრიკიდან - 3 763 უცხოეთის მოქალაქე (შემოსულ ვიზი-ტორთა 0,08%), ხოლო დანარჩენი მსოფლიოდან - 1 619 უცხოეთის მოქალაქე (შემოსულ ვიზიტორთა 0,03%).
აღსანიშნავია, რომ ზრდა აღინიშნება ამერიკის და ევროპის ქვეყნებიდან შემოსულ უცხოეთის მოქალაქეთა რაოდენობაში, კერძოდ, მიმდინარე წლის იანვარ-ოქტომბერში, გასულ წლის ამავე პერიოდთან შედარებით, 7%-ით გაიზარდა ამერიკიდან, ხოლო, 3%-ით ევროპიდან შემოსული უცხოეთის მოქალაქეების რიცხვი.
