2014 წლის იანვარ-ოქტომბერში ათი უმსხვილესი სავაჭრო პარტნიორის წილმა საქართველოს მთლიან საგარეო სავაჭრო ბრუნვაში 68 პროცენტი შეადგინა. უმსხვილესი სავაჭრო პარტნიორები კვლავ თურქეთი (1596 მლნ. აშშ დოლარი), აზერბაიჯანი (983 მლნ. აშშ დოლარი) და ჩინეთია (682 მლნ. აშშ დოლარი).
შეგახსენებთ, რომ 2014 წლის იანვარ-ოქტომბერში საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 9431 მლნ. აშშ დოლარი შეადგინა, რაც წინა წლის იანვარ-ოქტომბრის მაჩვენებელზე 10 პროცენტით მეტია; აქედან ექსპორტი 2425 მლნ. აშშ დოლარს შეადგენს (5 პროცენტით მეტი), ხოლო იმპორტი 7006 მლნ. აშშ დოლარს (11 პროცენტით მეტი). საქართველოს უარყოფითმა სავაჭრო ბალანსმა 2014 წლის იანვარ-ოქტომბერში 4580 მლნ. აშშ დოლარი და საგარეო სავაჭრო ბრუნვის 49 პროცენტი შეადგინა.
მასალის გამოყენების პირობები
