23 ნოემბერს, გიორგობას კომპანია „ვისოლი" ქსელში არსებულ პროდუქტზე ფასის კიდევ 3 თეთრამდე შემცირებას გეგმავს და პირველად ბოლო პერიოდის განმავლობაში ფასის ნიშნული გარკვეულ პროდუქტებზე 2 ლარიან ზღვარს ჩამოსცილდება. ბოლო პერიოდში საერთაშორისო ბაზარზე ნავთობპროდუქტებზე ფასის კლების ტენდენციის გათვალისწინებით „ვისოლი" ფასებს უკვე მეხუთედ ამცირებს და ქსელში კომპანიის პროდუქტების ფასმა ჯამში უკვე 20-თეთრამდე დაიკლო.
«მოხარული ვართ, რომ მსოფლიო ბაზარზე საწვავზე ფასების შემცირებამ საშუალება მოგვცა ჩვენს ქსელში არსებულ პროდუქტზე ფასი კიდევ 3 თეთრამდე შევამციროთ. თუ ფასების კლების ტენდენცია საერთაშორისო ბაზარზე კვლავ შენარჩუნდა, ეს აუცილებლად აისახება ჩვენს ქსელში საწვავის ფასზე და შესაბამისად შემცირდება" - აცხადებს „ვისოლ პეტროლიუმ ჯორჯიას" გენერალური დირექტორი ვასილ ხორავა.
„ვისოლ პეტროლიუმ ჯორჯიას" საკუთრებაში არსებული ავტოგასამართი სადგურების ყველაზე ფართი ქსელი აქვს საქართველოში და ნავთობპროდუქტების ყველაზე ფართო არჩევანს სთავაზობს მომხმარებელს, მათ შორის პრემიალურ პროდუქტებს. 2014 წლის თებერვლიდან „ეკოს" უმაღლესი ხარისხის საწვავი ექსკლუზიურად მხოლოდ „ვისოლის" ქსელში იყიდება. ვისოლი ინოვატორია საქართველოს ნავთობსექტორში და უმაღლესი ხარისხის საწვავისა და მაღალტექნოლოგიური სერვის პროდუქტების შეთავაზებით საცალო ბაზრის ლიდერია. საწვავის მიწოდების მაღალტექნოლოგიური ავტომატიზაციის სისტემა, რომელიც ვისოლის ყველა ავტოგასამართ სადგურზეა დამონტაჟებული, 100% სიზუსტით ახდენს მომხმარებლისათვის საწვავის მიწოდებას და ხარისხის კონტროლისა და სწრაფი მომსახურების დამატებითი გარანტიაა.
