საქართველოში უკრაინელი ტურისტების რაოდენობა ყოველწლიურად იზრდება.
2014 წლის 10 თვეში საქართველოში უკრაინელი ტურისტების რაოდენობა, 2013 წლის მთლიან მაჩვენებელს უტოლდება
მიმდინარე წელს საქართველო 126 ათასმა უკრაინელმა ტურისტმა უკვე მოინახულა, აღნიშნულის შესახებ უკრაინაში საქართველოს სრულუფლებიანმა ელჩმა მიხეილ უკლებამ განაცხადა.
"2013 წელს საქართველოს 126 ათასი უკრაინელი ტურისტი სტუმრობდა, ხოლო მიმდინარე წლის ათ თვეში საქართველო 126 ათასმა უკრაინელმა ტურისტმა უკვე მოინახულა, რაც გასული მთლიანი წლის მაჩვენებლის ტოლია",- განაცხადა ელჩმა.
2012 წლიდან 2013 წლამდე პერიოდში საქართველოში უკრაინელი ტურისტების ნაკადმა 65 %-ით მოიმატა. დიპლომატის თქმით, 2012 წელს საქართველო 72 ათასმა უკრაინელმა მოინახულა.
