საქართველოს ტურიზმის ეროვნულმა ადმინისტრაციამ ესპანეთში, ქალაქ ბარსელონაში საერთაშორისო ტურისტულ გამოფენაში ,, EIBTM 2014" - ში მიიღო მონაწილეობა.
გამოფენა ქალაქ ბარსელონაში 3 დღეს გაგრძელდა. ,, EIBTM 2014" - ის ფარგლებში,ტურიზმის სფეროში ჩართულმა არა მხოლოდ ესპანური კომპანიების წარმომადგელებმა საქართველოს ზაფხულისა თუ ზამთრის კურორტების, უძველესი ტრადიციების, ბუნების, სათავაგდასავლო ტურიზმის და ზოგადად ტურისტული პოტენციალის შესახებ მიიღეს ინფორმაცია.
საქართველოს სტენდზე აჭარის ტურიზმისა და კურორტების დეპარტამენტი და 6 ტურისტული კომპანიაც იყო წარმოდგენილი. (TravelShop; Visit Georgia; GeorgiCa Travel; Georgian Discovery Tours; GT Group; Concord Travel; Georgian events; Holiday Inn;)
გამოფენის ფარგლებში ტურიზმის ეროვნული ადმინისტრაციისა და კერძო სექტორის წარმომადგელებმა პირისპირი შეხვედრებიც გამართეს. როგორც ტურიზმის ეროვნულ ადმინისტრაციაში აცხადებენ, მსგავს საერთაშორისო გამოფენაში მონაწილეობა მნიშვნელოვანია საქართველოს ცნობადობის ამაღლების, რეკლამირებისა და ზოგადად ვიზიტორების მოზიდვისთვის.
სტატისტიკური მონაცემების თანახმად, ესპანეთიდან შემომავალი ტურისტების მჩვენებელი 2012 წელთან შედარებით, 2013 წელს 26% - ით გაიზარდა და შემოვიდა 4,723 ვიზიტორი, ხოლო 2014 წლის 6 თვის მაჩვენებლით საქართველოში შემოვიდა 2, 015 ვიზიტორი ესპანეთიდან
