ჩეხეთის ელჩი უკრაინის საგარეო საქმეთა სამინისტროში დაიბარეს. ივან პოჩუხას უკრაინის დიპლომატიურმა უწყებამ განმარტებები პრეზიდენტ ზემანის განცხადებებზე მოსთხოვა. 17 ნოემბერს ჩეხეთის პრეზიდენტმა ღიად განაცხადა, რომ საომარი მოქმედებების ფონზე უკრაინისთვის ეკონომიკური დახმარების გაწევა არ ღირს, მანამდე კი მან დასავლეთი რუსეთისთვის დაწესებული სანქციებისთვის გააკრიტიკა. ცნობილი ხდება ისიც, რომ ზემანმა პუტინი ოსვენცემის გათავისუფლების 70-ე წლისთავისადმი მიძღვნილ ღონისძიებებზეც მიიწვია. პრორუსული განცხადებებს გამო ჩეხეთის პრეზიდენტს პრაღაში გამართულ მიტინგზე კვერცხები ესროლეს.