ევროპის მასშტაბით, ყველაზე მეტი მულტიმილიონერი გერმანიაში ცხოვრობს, წერს გამოცემა Der Spiegel-ი, რომელიც თავის მხრივ Wealth-X-სა და UBS-ის კვლევებს ეყრდნობა.
ირკვევა, რომ გერმანიაში 19 ათასი მულტიმილიონერი ცხოვრობს, რომელთა ქონებაც 30 მლნ დოლარს აჭარბებს.
ამ მხრივ, მსოფლიოს მასშტაბით, გერმანია ადგილს მხოლოდ აშშ-ს უთმობს. აღსანიშნავია, რომ გასულ წელთან შედარებით, გერმანიაში მულტიმილიონერთა რაოდენობა 7,2 %-ითაა გაზრდილი. ირკვევა, რომ გერმანიაში მცხოვრები მულტიმილიონერთა უმეტესობა საცხოვრებლად შემდეგ ქალაქებს ირჩევს: ჰამბურგი, დიუსელდორფი და შტუდგარტი
ამ მულტიმილიონერების 28 %-მა ქონება მემკვიდრეობით მიიღეს.
მსოფლიოში სულ 211 ათასი მულტიმილიონერი ცხოვრობს და 2014 წელს, 2013 წელთან შედარებით მათი რაოდენობა 6 %-ით გაიზარდა. მულტიმილიონერთა საერთო ქონება 30 ტრილიონ დოლარს აჭარბებს.
