საგარეო უწყების ხელმძღვანელი თამარ ბერუჩაშვილი დარწმუნებულია, რომ რეზოლუცია, რომელიც ევროპარლამენტში იქნება მიღებული, სასიკეთო იქნება ქვეყნისთვის.
,, მიმდინარეობს სერიოზული აზრთა გაცვლა-გამოცვლა. პროცესში ჩართულები არიან ქართველი პარლამენტარებიც და დარწმუნებული ვარ რეზოლუცია რომელიც მიღებული იქნება უპირველეს ყოვლისა ქვეყნისთვის სასიკეთო იქნება", _განაცხადა ბრიუსელში თამარ ბერუჩაშვილმა.
დღეს, 17 ნოემბერს ევროპარლამენტში საქართველოს შესახებ რეზოლუციის პროექტს განიხილავენ. საგარეო ურთიერთობათა კომიტეტში დოკუმენტის ტექსტს მომხსენებელი ანდრეი მამიკინსი წარადგენს.
რეზოლუციაში შესატანი ცვლილებების თანახმად, ევროპარლამენტი გამოხატავს ღრმა შეშფოთებას შერჩევით და პოლიტიკურად მოტივირებული სამართალის გამო, რაც ნეტაგიურად აისახება ქვეყნის იმიჯზე; ამასთან რეზოლუციაში საუბარია „ნაციონალური მოძრაობის" წევრთა წინააღმდეგ აღძრულ საქმეებზე, რასაც წინ უძღოდა მიხეილ სააკაშვილისა და ვანო მერაბიშვილის სისხლის სამართლის პასუხისგებაში მიცემა.
მასალის გამოყენების პირობები
