40 კილომეტრში მტერი ვერაფერს დაგვაკლებს, თუ 400 მეტრში კოლაბორაციონისტი მთავრობა არ გვეყოლება, - ამ სიტყვებით მიმართა პარლამენტის წინ შეკრებილ საპროტესტო აქციის "არა ანექსიას" მონაწილეებს "ნაციონალური მოძრაობის" ერთ-ერთმა ლიდერმა, თბილისის მერობის ყოფილმა კანდიდატმა ნიკა მელიამ.
"სამწუხარო დღე უდგას დღეს საქართველოს, არა მხოლოდ ქვეყნის ქვეყნის შიგნით, არამედ ქვეყნის გარეთ. რუსეთი ახორციელებს მძლავრ აგრესიას ჩვენი ქვეყნის დამოუკიდებლობის წინააღმდეგ და ჩვენი ხელისუფლება სდუმს, ყველაფერზე უკან იხევს, ცახცახებს. დღევანდელი აქცია არის სიგნალი, რომელიც უნდა გაეგზავნოს მტერს, რომელიც გვყავს 40 კილომეტრში. სამწუხაროდ, ჩვენი ოპონენტები ქვეყნის შიგნით, ქილიკობენ, რომ ეს არ არის სერიოზული საფრთხე. მაგრამ 40 კილომეტრში მტერი ვერაფერს დაგვაკლებს, თუ 400 მეტრში ეს კოლაბორაციონისტი მთავრობა არ გვეყოლება. კოლაბორაციონისტი მთავრობა არ უნადა იჯდეს ქვეყნის სათავეში და ვერ იქნება, იმიტომ რომ ქართულმა საზოგადოებამ გაიღვიძა", - განაცხადა მელიამ.
აქციის მეორე ნახევარში, დაახლოებით 18:00 საათზე აქციის მონაწილეებს საქართველოს ყოფილი პრეზიდენტი მიხეილ სააკაშვილი მიმართავს. მათ ექსპრეზიდენტის მიმართვას თვალყურს პარლამენტის წინ დამონტაჟებული მონიტორის საშუალებით მიადევნებენ.
