პარლამენტის შენობის წინ შეკრებილ საპროტესტო აქციის მონაწილეებს "ნაციონალური მოძრაობის" ლიდერები სიტყვით მიმართავენ.
საზოგადოებას ასევე, საქართველოს ყოფილი პრეზიდენტი მიხეილ სააკაშვილი აქციის მეორე ნახევარში, დაახლოებით 18:00 საათზე მიმართავს. აქციის მონაწილეები ექსპერზიდენტის მიმართვას თვალყურს პარლამენტის წინ დამონტაჟებული მონიტორის საშუალებით მიადევნებენ.
ამის შესახებ, "ჯი-ეიჩ-ენ"-ს "ნაციონალური მოძრაობის" წევრმა ნუგზარ წიკლაურმა განუცხადა. წიკლაურის თქმით, რომელი ქვეყნიდან მოხდება ექსპრეზიდენტის ჩართვა, მისთვის უცნობია.
,,ნაცმოძრაობის" ორგანიზებით მიმდინარე საპროტესტო აქციის, "არა ანექსიას" -მონაწილეებმა მსვლელოლობა "ვარდების რევოლუციის მოდენიდან" პარლამენტის შენობის მიმართულებით 16:00 საათზე დაიწყეს. აქციას შეუერთდნენ რეგიონებიდანაც.
აქციის მონაწილეებმა მსვლელობის დაწყებამდე საქართველოს ეკონომიკის ყოფილი მინისტრის კახა ბენდუქიძის ხსოვნას წუთიერი დუმილით პატივი მიაგეს.
