"ნაციონალური მოძრაობის" მიერ ორგანიზებული საპროტესტო აქციის, "არა ანექსიას" -მონაწილეებმა "ვარდების მოდენიდან" პარლამენტის შენობის მიმართულებით მსვლელობა დაიწყეს.
აქტივისტებს "ვარდების მოედანზე" რეგიონებიდან მომავალი კოლონებიც შეურთდნენ, რომლებიც დღეს დილით აქციაში მონაწილეობის მისაღებად, გამოემგზავრნენ.
აქციის მონაწილეებმა მსვლელობის დაწყებამდე საქართველოს ეკონომიკის ყოფილი მინისტრის კახა ბენდუქიძის ხსოვნას წუთიერი დუმილით პატივი მიაგეს.
როგორც ჯი-ეიჩ-ენ"-ს "ნაციონალური მოძრაობის" წევრმა ნუგზარ წიკლაურმა განუცხადა, საქართველოს ყოფილი პრეზიდენტი მიხეილ სააკაშვილი რუსთაველის გამზირზე შეკრებილებს აქციის მეორე ნახევარში, დაახლოებით 18:00 საათზე მიმართავს.
წინასწარი ინფორმაციით, აქცია 19:00 საათამდე გაგრძელდება.
