"მოძრაობა სამართლიანი საქართველოსთვის" ლიდერის ზურაბ ნოღაიდელის ბათუმში ვიზიტი ხმაურის ფონზე წარიმართა. "ეროვნული საბჭოს" მიერ ბათუმის დრამატულ თეატრში მოსახლეობასთან გამართულ შეხვედრას ინციდენტები მოჰყვა.
თეატრის შენობასთან მოსახლეობის ერთ ნაწილი ნოღაიდელის მხარდამჭერებს დაუპირისპირდნენ. ათიოდე ქალი ხმამაღალი შეძახილებით შეეცადა ნოღაიდელის საგარეო პოლიტიკის წინააღმდეგ პროტესტის გამოხატვას.
"სააკაშვილმა ჯერ ამ ქალბატონების შვილები აიფარა წინ ომში, ახლა თავად ამ ქალბატონებს იყენებს ჩვენ წინააღმდეგ ბრძოლაში. ასეთი ლაჩარი პრეზიდენტი დიდხანს ვერ იქნება ქვეყნის სათავეში, - განაცხადა ნოღაიდელმა ინციდენტის კომენტირებისას.
