დიდი ბრიტანეთის მთავრობა მიიჩნევს, რომ ნარკომანების წინააღმდეგ კანონის გამკაცრება გავლენას არ ახდენს ნარკოტიკების მოხმარების დონის შემცირებაზე.
ბრიტანეთის მთავრობის მინისტრის ნორმან ბეიკერის განცხადებით, ამ მიმართულებით ბრიტენეთის მთავრობა ეყრდნობა სხვა ქვეყნების გამოცდილებას.
მისვე თქმით, აუცილებელია შეწყდეს უაზრო დავა ამ საკითხზე და განსაკუთრებული ყურადღება დაეთმოს ნარკოდამოკიდებული ადამიანების მკურნალობას.
მინისტრმა პორტუგალიის მაგალითზე განაცხადა, რომ ამ ქვეყანაში სადაც მცირე დოზით ნარკოტიკის მოხმარებაზე არ არის სისხლის სამართლებლივი პასუხისმგებლობა, ვითარება გაუმჯობესდა, რადგან ნარკომანებს თავაზობენ მკურნალობას და არ ემუქრებიან სამართლებლივი დევნით.
