ხვალ, 20 ოქტომბრიდან საქართველოს მთელს ტერიტორიაზე გამოდარებს და მომდევნო დღეების განმავლობაში უმეტესად უნალექო ამინდი შენარჩუნდება. თუმცა როგორც ,,ჯი-ეიჩ-ენთან" საუბარში გარემოს ეროვნული სააგენტოს სინოპტიკოსმა ნონა ელისაშვილმა განაცხადა ამაღამ როგორც დასავლეთ ისე აღმოსავლეთ საქართველოს ზოგიერთ რაიონში მოსალოდნელია წვიმა, მთაში თოვლი და ძლიერი ქარი.
,,დღეს დასავლეთ საქართველოს ზოგიერთ რაიონში წვიმა და ძლიერი ქარი კვლავ შენარჩუნდება, ხოლო ღამით როგორც დასავლეთ ისე აღმოსავლეთ საქართველოს ზოგიერთ რაიონში იწვიმებს, მთაში მოთოვს და შენარჩუნდება დასავლეთის გაძლიერებული ქარი. ხვალ, 20 ოქტომბრიდან, დღის მეორენახევრიდან გამოიდარებს, იქნება უმეტესად უნალექო ამინდი და ქარის სიჩქარეც შემცირდება", _განაცხადა ,,ჯი-ეიჩ-ენთან" საუბარში ნონა ელისაშვილმა.
მისივე განცხადებით, ხვალ, 20 ოქტომბერს დღის საშუალო ტემპერატურა როგორც დასავლეთ ისე აღმოსავლეთ საქართველოს ბარსა და დაბლობში 11-16 გრადუსამდე შენარჩუნდება. რაც შეეხება დედაქალაქს აქ ჰაერი 15 გრადუსამდე გათბება.
